Bai zure talentuak eta ahalmenak ulertu nahi badituzu, bai aldaketa edo nahasmen uneetan argia bilatzen baduzu ere: Astrologian aurkituko duzu benetan zarena izatearekin bat eginez aurrera egiteko gidatuko zaituen itsasargia.
Ulertzen dut motibazio desberdinek ekarri zaitzaketela hona.
Aurrez aurre elkartu gaitezke Lezon, Gipuzkoan, edo bestela online, etxean bezala sentitzera gonbidatuko zaitudan saio batean, erabateko erosotasunez zure sentsazioak, zalantzak eta hausnarketak partekatzeko.
Nire asmoa da kontsulta bakoitzak zure bizipenei argitasuna eta zentzua aurkitzen laguntzea, zure benetako izatearekin berriro konektatzea, zeure burua entzutea eta zaren bezala onartzea, horrela eboluziorako zure benetako bidean aurrera egiteko.
Astrologia-kontsulta hauek eskaintzen dizkizut:
Nire formazioetan Astrologia erraz ulertuko duzu, eta zure autoezagutzarako, autozaintzarako eta eboluziorako erabiltzen ikasiko duzu, bai eta inguruko pertsonen onerako ere.
Hauek dira gaur egun eskaintzen ditudan formazioak:
Zeruko informazioa interpretatzen hasteko.
Ulertu zure jaiotza-mapa irakurtzeko oinarrizko printzipioak.
Ikusi nola lagundu eta gidatu haurrak beren esentzia onartuta.
Ikasi nola aplika dezakezun Astrologia zure bizitzan modu erraz eta samurrean.
Urteko une batzuk bereziki egokiak dira berritzeko, proiektu berriak abiatzeko eta jada behar ez duguna askatzeko:
1 – Ilargi berriko egunak
2 – Solstizioak eta ekinozioak
Haien energiarekin sintonizatzeko, errituak eskaintzen dizkizut (nahi duzun unean eta lekuan egiteko modukoak), zeruan gertatzen dena lurrean bizitzen duzunarekin uztartzen dituztenak, zure bizitzara erakarri nahi duzuna ereiteko.
Beti gustatu izan zait ikastea, ikasitakoa besteekin partekatzeko. Eta 2020an Astrologo gisa trebatu nintzenetik, astroetatik datorren informazioa lurrera ekartzea nire pasio bihurtu da.
Nire metodoa astrologia psikologiko eta ebolutiboan oinarritzen da, hazkunde pertsonalarekin lotutako Astrologiaren adar batean.
Iragarlea izatetik urrun, astrologia psikologiko ebolutiboak zure bizitzan itsasargi gisa funtzionatzen du, zeruko energia nola islatzen den zugan eta zure bizipenetako esperientzietan erakusten dizun gida gisa.
Horrela, ez zaitu aurrez baldintzatzen ezta mugatzen ere; aitzitik, zure autoezagutzatik abiatuta eboluzionatzera bultzatzen zaitu.
Bat egin nire newsletterrarekin!
Hemen denboraldiko joera astrologikoak ezagutuko dituzu, eta lehen eskutik jasoko dituzu Astrologiaren aplikazio praktikoari buruz ikasteko nire hurrengo ikastaro, tailer eta errituen berritasunak.
Arduraduna: Izaro Susperregi. Helburua: informazioa bidaltzea eta merkataritza-prospekzioa kudeatzea. Legitimazioa: interesdunaren baimena. Hartzaileak: hornitzaile diren enpresa nazionalak eta tratamendu-arduradunak, Privacy Shield araubideari atxikiak. Eskubideak: datuetara sartzea, datuak zuzentzea eta ezabatzea, baita informazio osagarrian azaltzen diren beste eskubide batzuk ere. Informazio gehigarria: datuen babesari buruzko informazio osagarri eta zehatza esteka honetan kontsulta dezakezu.
Hamabostean behingo edukiak euskaraz, egungo astrologia-joeren berri izateko.
Bi aukera, nahi duzun neurrian sakontzeko: seihileko edo urteko harpidetza.